Фотиҳа сураси
Ассалому алайкум! Мен алҳамдулиллаҳ намоз ўқийман, дадам намоз ўқимайди, шунинг учун дадамни хидоятга чорлаш мақсадида Қуръонни ўқишни маслахат бердим. Кейин дадам билан Қуръони Каримни Фотиҳа сурасини таржимасини ўқий бошладик, дадам шунда нега Худо “Сенгагина ибодат қиламиз, сендан ёрдам сўраймиз, ўзинг хидоятга бошла” деяпти, деди мен жавоб бера олмадим. Қуръон Яратганни каломи эканлигига заррача шубҳа қилмайман, лекин дадамни хидоятга чорлашни жуда истайман, шу сабабли дадамни саволига жавоб беришларингизни илтимос қилиб қоламан.
– Ва алайкум ассалом! Дадангиз ақлли инсон экан. Фотиҳа сурасининг аввалида “Айтинглар” деган жумлани ташлаб кетилган. Балоғат фанига тегишли қоидаларга кўра ҳамма биладиган сўзларни айтиш шарт бўлмайди. Масалан “Зайд уйга келдими” деб савол берилса, “Ҳа” деб жавоб берилади. “Ҳа Зайд уйга келди” дейиш шарт эмас. Шунингдек “Фотиҳа” сурасининг аввалида ҳам Аллоҳ таоло “Айтинглар” сўзини ташлаб кетаверган. Тафсирларда уни қўшиб ёзилган. Валлоҳу аълам!
