Эр розилиги учун намоздан воз кечиш
Ассалому алайкум! Мен намоз ўқийман, намоз ўқиётган пайтимда эрим ишга мажбурлайди ва тезроқ намозими тугатишимни айтади. Мен намозни тез ўқиб бўлмайди десам, намозиз менга халақит бермасин дийман, эр рози бўлсагина намозиз қабул бўлади, мен рози бўлмасам ўқиётган намозиз бир тийн дейди. Қайнотам хам қайнонамга шундай деб намозини ўқиттермай қўйган... Эрими диндан хабари йўқ, шунақа пайтда нима қилишим керак? Мен ҳам намозими ташлашим керакми?
– Ва алайкум ассалом! Эр рози бўлмаса намоз қабул бўлмайди деган гап мутлақо нотўғри гап. Эрга эрлик мақомини берган Аллоҳ таоло. Агар динимиз эрга шундай муносабатда бўлишни буюрмаганида эди эрлар хор бўлишар эди. Шундай мақомни берган Аллоҳга шукур қилиб ўзи намоз ўқиш ўрнига хотинни ҳам намоздан тўсишга ҳаркат қилиш бу ғирт нонкўрлик бўлади. Валлоҳу аълам!
