Қарзни бериш
Ассалому алайкум! Онам ёшлигида 1989-йилда бошқа туманда ишлаганида иш жойидагилар билан гап ўйнаган. Онамнинг гапи биринчи бўлган, қолганлар жами 2 киши 160 сўм пул берган. Қолганларнинг гапи ҳали бўлмаган эди. Кейин Онам ишдан бўшаб келган. Бу қарзни ўз вақтида беришнинг иложи бўлмади. Ҳозир уларга қарзларини қайтарамиз десак, у жойлар ўзгариб кетган, бир-бирини эслай олишмайди. Биз қарз қандай қайтарамиз. Устоз биз нима қилайлик?
– Ва алайкум ассалом! Қоида: Тез чирийдиган ва айнидиган нарсаларни эгасини кутмасдан фақир мискинга садақа қилиб юборилади. Эгаси топилгач пулини беради. Тез чиримайдиган буюмларни бир йилгача эълон қилиш керак. Ўзи фойдаланиши жоиз эмас. Шунда ҳам топилмаса савоб умид қилмасдан эгасининг номидан фақир-мискинларга садақа қилинади, мабодо эгаси топилса пулини беради. Топилмаса, у Аллоҳ таолонинг ҳузурида омонат бўлади ва қиёмат куни эгаси сўраганида берилади. Валлоҳу аълам!
