Аҳли китоблардан бўлган яҳудий ва насаролар кофирларми?

Аҳли китоблар кофирларми? Бир инсон биз уларни кофир дейишга ҳаққимиз йўқ деди, чунки Росуллуллоҳ с. а. в. уларни ҳеч қачон кофир демаган еканлар. Лекин " Уларга Аллоҳнинг ҳузуридан ўзларидаги нарсани тасдиқловчи китоб келганда, ва ҳолбуки, кофирларга қарши (ундан) ёрдам кутардилар, ўзлари билган нарса келганда, унга куфр келтирдилар. Кофирларга Аллоҳнинг лаънати бўлсин. " Бақара сураси 89-оят, " Албатта, Аллоҳга ва Унинг Пайғамбарларига куфр келтирадиганлар ва Аллоҳ ила Пайғамбарлари орасида айримчиликни ирода қиладиганлар ҳамда баъзиларига иймон ва баъзиларига куфр келтирамиз, деб ана ўшандай ора йўлни тутишни хоҳлайдиганлар. Ана ўшалар ҳақиқий кофирлардир. Ва кофирларга хорловчи азобни тайёрлаб қўйганмиз. " Нисо сураси 150-151-оятлар ва яна бу каби оятлар қуръонда жуда кўпку, мана шу каби оятлардаги ҳукмга биноан ҳам уларни кофир десак гуноҳкор бўламизми?