Пешин намози
11:03 / 10.04.2014 | OYBEK10 | 3080
Ҳазрат мен Россия давлатидаман, алҳамдулиллаҳ ишда намозларни қазосиз ўқишга ҳаракат қиляпмиз. Лекин битта муаммо пешин намози сал кейинроқ бўлиб қолади. Намоз вақти бўлганда иш жойимга шеригимни қўйиб кетардим, лекин баъзида иш кўпайиб кетганда шеригимни ҳам вақти бўлмай қолади. Шундай вақтда мен фақат фарзни ўзини ўқиб кўярдим. Сўромоқчи бўлганим шундай вазиятларда фақат фарзни ўқиб қўйиш билан пешин намозини адо қилган бўламанми? Агар шундай вазиятда фарзни ўқиб қўйгандан кейин пешин вақти чиқмасдан вақт бўлиб қолса фарздан олдинги 4 ракат ва 2 ракат суннатни ўқиш жоизми? Саволим бир мавзуда бўлгани учун, илтимос иккаласига ҳам жавоб берсангиз. Аллаҳ сиздан рози бўлсин.
Шайх Муҳаммад Содиқ Муҳаммад Юсуф роҳимаҳуллоҳ:
- Имкон бўлмаганда фарзнинг ўзини ўқиш ва ўшандай вазиятда фарзни ўқиб қўйгандан кейин, пешин вақти чиқмасдан вақт бўлиб қолса, фарздан олдинги 4 ракат ва 2 ракат суннатни ўқиш жоиз.
