Жунублик
19:32 / 12.08.2016 | Abdulloh | 3355
Ассалому алайкум! Мен бир неча кун аввал операция бўлдим. Бугун эса жунуб бўлиб қолдим. Ҳозир ғусл қила олмайман. Бундай ҳолатда қандай покланиш керак? Жавоб учун олдиндан раҳмат.
Шайх Муҳаммад Содиқ Муҳаммад Юсуф роҳимаҳуллоҳ:
Ва алайкум ассалом! Докторлар “Сув текса зарар қилади” деган жойини қолдириб, қолган жойларни ювиш фарз бўлади. Баданнинг аксар қисмига сув текказишга рухсат бўлмаса, рухсат бўлган жойни ювиб, қолган жойларига масҳ тортилади. Агар бу ҳам зарар қиладиган бўлса, ғусл нияти билан таяммум қилинади ва намозларни ўқилаверади. Валлоҳу аълам!
