Ҳидоят
12:47 / 28.10.2023 | Nodirbek | 807
Ассалому алайкум! Ҳидоят Аллоҳдан лекин банда ҳидоят Аллоҳдан деб ҳидоят кутиб ўтиришлиги тўғрими? Дўстларимга намозни бошла десам Аллоҳдан ҳидояй кутяпман дейишади. Ҳидоят учун ҳам қандайдир ҳаракат қилишлик керак эмасми?
«Зикр аҳлидан сўранг» ҳайъати:
– Ва алайкум ассалом! Албатта ҳаракат қилиш керак. Аллоҳ таоло "Шууро" сурасида марҳамат қилади: “Аллоҳ Ўзи хоҳлаган кишини танлаб олур ва Ўзига инобат қилувчи кишини ҳидоят қилур” (13-оят).
Банда ҳидоят топиши учун Аллоҳ томон юзланиши керак. Тавбани ва солиҳ амални ихтиёр қилиши керак. Ана шунда Аллоҳнинг раҳмати бўлмиш ҳидоят унга етади. Валлоҳу аълам!
