Ота розилиги
11:16 / 18.11.2023 | Saboxat | 256
Ассалому алайкум! Отам онамнинг вафотидан сўнг уйланган эди. Отам бироз исломдан узоқ, намоз ҳам ўқимайди. Аёли уйдаги келин бн келишолмаяпти, отам келинга қўл кўтаришгача бордилар. Келин ҳижобда, илмли, ибодатли аёл. Иложи борича муроса қилишга интилади. Мен акамга алоҳида уй олиб чиқиб кетишни маслаҳат бердим. Лекин отам бунга қарши, акамга хотинингни жавобини берасан деяпти. Ўртада учта бола бор. Шу холатда отамга индамай оиласини олиб чиқиб кетсак, гуноҳкор бўлмаймизми?
«Зикр аҳлидан сўранг» ҳайъати:
– Ва алайкум ассалом! Бу ҳолатда отага итоат қилинмай, оилани сақлаб қолиш керак бўлади. Агар алоҳида чиқиб кетишдан бошқа имкон бўлмаса чиқиб кетган афзал. Эртага ота келинни йўқотиш учун бошқа фитналар ўйлаб топмасин. Валлоҳу аълам!
