Шу тўғрими
Ассалому алайкум! Мусофирлик агар бир киши ўз шаҳридан 14 кун ният қилиб 100 км га борса ва шу жойда қолиб кетса нияти ўзгармагунча мусофир бўлиб то ўз шаҳрига қайтиб келгунча мусофир бўлиб намозларини қаср ўқийди. Бошқа киши эса 15 куни ният қилиб 100 км масофадаги жойга борса. Йўлда мусофир борган жойида муқим бўлади. Ва 15 кундан кейин уйга қайтишни ният қилса шу захоти мусофир бўлиб уйига келгунча намозларини қаср ўқийди. Мусофирлик илмидан шулани тушундим шу тушунганларим тўғрими?
– Ва алайкум ассалом! “Ва 15 кундан кейин уйга қайтишни ният қилса шу захоти мусофир бўлиб уйига келгунча намозларини қаср ўқийди” деб ёзибсиз, бу инсон мусофир айланиши учун уйга қайтишни ният қилиши кифоя қилмайди, балки сафар масофасини қасд қилиб йўлга отланиб ўша шаҳар ёки қишлоқдан чиқиб кетиши керак. Қолганларини эса тўғри тушунибсиз. Валлоҳу аълам!
