Ассалому алайкум! Қайнам хозир оғир ахволда болницада. Бисотида битта мошинаси бор шуни “мен ўтсам мошинамни сотиб 3.7.20.40 йилимни қилинглар” деб васият қиляпти. Лекин мен аза 3 кун десам сиз вохобийсиз унақамас дияпти. У хақида Шайх хазратларини ибодат исломия китобидан ўқиганман десам хам унамаяпти. Мен шу васиятни бажармасам гунохкор бўлмиманми? Ундан кўра қарзларига ўқимаган тутмаган рўзаларига ёки уй рўзғорларига невараларига ишлатсам бўладими?
– Ва алайкум ассалом! Гуноҳкор бўлмайсиз. Кишининг бундай васияти бажарилмайди. Инсон агар вафот этса унинг қолдирган мол-мулки шариат кўрсатмаларига кўра меросхўрлар ва васият қилинганлар (агар бўлса) ўртасида тақсимланади. Бунинг ўз қонун-қоидалари бор. Бордию сиз шу ишга бош бўлишингизга тўғри келиб қолса ўзингизча бирор иш қилиб қўймасдан дарҳол аҳли илмга мурожаат қилинг. Валлоҳу аълам!