Пластик савдоси
20:15 / 02.05.2016 | aqoid | 2452
Ассалому алайкум! Мавзу бўйича жавобларни ўқиб, саволимга жавоб топа олмадим. Бозоримиздаги гўшт дўконларида гўшт нархи нақд пулга 25.000 сўм, пластикка 26.000 сўмдан сотилади. Танишимнинг гўшт дўконида савдо тeрминали йўқ. У гўштни улгуржи нархда ошхоналарга 23.000 сўмдан тарқатади. Мeнда савдо тeрминали бўлиб, гўшт сотувчи мeнга тeрминалим орқали 26.000 сўмдан сотишни, ўзига эса 23.000 сўмда улгуржи нархда тўласам бўлишини айтди. Шу савдо жоизми?
«Зикр аҳлидан сўранг» ҳайъати:
Ва алайкум ассалом! Агар биз тўғри тушунган бўлсак, бу ерда 23.000дан нақдга олиб, 26.000дан терминалга сотилаётган бўлса, бу жоиз. Валлоҳу аълам!
