Никоҳ

Ассалому алайкум! Бир яқин қариндош синглимизнинг турмуш ўртоғи давлатимиз қонунларини бузгани учун 11 йилга озодликдан маҳрум қилинган. Ҳозирги кунгача яъни 3 йил мобайнида синглимиз эрининг ховлисида яшамоқда. Синглимизнинг ота-оналари уни бошқа турмушга беришмоқчи. Синглимиз эридан ўз жавобини олгани борганда эри “мени кутиб ўтир” деб жавоб берибди. Ҳозирги кунда синглимизнинг рўзғор учун ҳеч қандай пул топишнинг иложиси йўқ. Қизининг тарбиясидан ҳавотирда, шу сабабдан турмушга чиқмоқчи. Уларни бир 4 ёшли қизалоқлари бор. Синглимиз турмушга чиқмоқчи бўлса эридан жавобини олиш керакми ёки қандайдир муддат кутиб, турмушга чиқса бўладими?