Уйдан топилган нарса ҳукми
Ассаламу алайкум, ҳурматли Устоз! Бир киши ўз уйидан бир нарса топиб олди. Аҳлидан сўраб-суриштирса, бу уларники эмаслиги, бошқа бировга тегишли эканлиги аниқ бўлиб чиқди. Ўйлаб кўриб, бу нарсани ким ташлаб кетгани ёки тушириб қолдирганини аниқлай олишмади. Бундай вазиятда нима қилиш лозим? Мен билган ҳолатда бир флешка (компьютер файлларини xотирада сақловчи кичик қурилма) топиб олинган. Уни нима қилиш керак?
- Ва алайкум ассалом! Бунда топиб олинган нарсада қилиш лозим бўлган иш қилинади. Яъни топиб олинганлиги эълон қилинади. Эгаси чиқиб, сифатларини айтиб бергунча ушлаб турилади. Айниқса сиз айтган нарсанинг эгасини топиш жуда ҳам осон. Унинг эгаси ким эканлигини ичидаги маълумотлардан дарҳол билиб олиш мумкин.
Валлоҳу аълам.
Дин ишлари бўйича қўмитанинг хулосаси рақами: 2022 йил 03-07/1077
