Либос
Ассаламу алайкум! Шайҳ ҳазратлари биз аёллар либосини ишлаб чиқармоқчи эдик. Ҳозирги бозор шароитидан келиб чиқиб замонавий либослар футболка куйлак(енги калта, енгсиз)ларни ишлаб-чиқариб сотиш мумкинми? Биз ушбу саволнинг ечимини фатволар бўлимидан топа олмадик. Динимиз йўлида қилаётган самарали меҳнатингизда Аллоҳнинг Ўзи ёрдамчи бўлсин
– Ва алайкум ассалом! Бу саволган жавоб берилган эди. Мен ўша берилган жавоблардан бирини қисқача такрорлайман.
Аёл киши сотиб олган кийимини очиқ-сочиқ ҳолда кийиб юрса, унда баъзи гуноҳ ишларни қилса, ўша кийимни тиккан ёки сотган одамга гуноҳ бўлмайдими? Бу маънода шаръий қоида бор.
Ёмонликка ва яхшиликка ишлатиш мумкин бўлган нарсаларни ишлаб чиқариш ва сотиш мумкин. Гуноҳ уни ишлатувчига бўлади.
Агар бирор нарса ила ёмон иш қилинса, гуноҳи уни қилган ёки сотган одамга бўладиган бўлса, дунёнинг ишлари юрмай қолади. Биров пичоқ қилади. Уни яхшиликнинг кўп турларига ишлатиш мумкин. Шу билан бир вақтда у билан одам ўлдириш ҳам мумкин. Агар биров бозордан сотиб олган пичоғи ила бошқани ярадор қилса, пичоқ сотган ёки ясаган одам айбдор бўлмайдику!
