4 ракатли намозни 5 ракат қилиб қўйиш
18:54 / 29.10.2018 | Jamshid Yulchiev | 2917
Ассалому алайкум! Ҳурматли устозлар, Аллоҳ сизлардан рози бўлсин. Аср намозининг фарзини 4 ракат ўқиб бўлиб 5-ракатга билмасдан туриб олса намоз бузладими ёки 5- ракатни ўқиб давом эттирса бўладими? Олдиндан раҳмат.
«Зикр аҳлидан сўранг» ҳайъати:
- Ва алайкум ассалом! 4-ракъатдан кейин қаъдага ўтириб ташаҳҳуд ўқиган бўлсангиз намозингиз тўлиқ бўлган бўлади. 5-ракъатга туриб кетган бўлсангиз қайтиб ўтириб охирида саҳв саждасини қиласиз. Ташаҳҳудга ўтирмаган бўлсангиз ҳам қайтиб ўтирасиз. Ташаҳҳудга ўтирмай 5-ракъатга туриб, қироат қилиб ва саждани ҳам қилиб қўйган бўлсангиз намозингиз бузилиб, қайтадан ўқишингиз керак бўлади. Валлоҳу аълам!
