Товуқни қимматроққа сотсак бўладими?

- Ва алайкум ассалом! Боқиб кейин сотсангиз жоиз. Олишда ва сотишда инсоф қилсангиз  топганингизда барака бўлади. Бараканинг бир мисоли Ашраф Али Таҳонавий раҳматуллоҳи алайҳ мавъизаларининг бирида ҳикоя қиладилар. Бир вилоятнинг ҳокими(улар уни наввоб деб номлашади) мени меҳмонга чақирди. Уйи, ҳолати ва дастурхонидан жуда бой инсон эканлиги кўриниб турар эди. Суҳбат асносида ўзини беморлигидан шикоят қилди, шунча бойлиги бўлатуриб шифокор унга гўштни қиймалаб докага ўраб қайнатиб фақат сувини ичишнигина тавсия қилган экан. ундан бошқа оавқат томоғидан ўтмас экан. У уйдаги оғир меҳнатларни қилиб, хоҳлаган таомидан тўйгунича еб мириқиб ухлаганларни кўриб уларга хаваси келишини айтди. Мана шу унинг бойлигида барака йўқлигининг аломатидир. Валлоҳу аълам!