Қўй сўйишни ният қилиш
11:22 / 26.03.2019 | Алишер | 1940
Ассалому алайкум! Бир ишни бошлашдан аввал, “у агар амалга ошса қўй сўяман”, деб ният қилган эдим. Иттифоқо ишим амалга ошди ва қўй сўйиш ниятимни амалга ошириш арафасидаман. Билишимча бундай вазиятда мен ўзим у сўйилган қўйни гўштидан ейишим мумкин эмас экан. Демак, ўзимдан бошқаларга беришим шарт. Менга аниқ қилиб тушунтириш берсангиз, қариндошларга ва оила аъзоларига беришим мумкинми ёки фақат бегоналар бўлиши шартми?
«Зикр аҳлидан сўранг» ҳайъати:
- Ва алайкум ассалом! Ота-она ва фарзандларингизга жоиз эмас. Ака-ука, опа-сингил ва яқин қариндошларга беришингиз мумкин. Улар ҳам бой бўлишмасин. Валлоҳу аълам!
