Исломдаги биринчи оқим

Ассаллому алайкум устозлар! Ўзим академик лицейда таҳсил оламан. Бир куни диншунослик дарсида устозимиз “Исломдаги биринчи пайдо бўлган оқим қайси?”, дея гуруҳга савол берди. Диншунослик дарслигида биринчи пайдо бўлган оқим хорижийлар деб ёзилган. Лекин Абдулбосит Абдураҳимнинг "Эътиқод дурдоналари" китобида биринчи пайдо бўлган оқим шиалар деб асосланган экан. Унга кўра шиалик оқими халифа ҳазрати Усмон (р.а)нинг даврларида бошланган дейилибди. Гуруҳда шу масалада баҳс-мунозара кучайиб кетди. Энг мақбул йўл сизлардан жавоб олиш деб билдим ва ушбу савол билан мурожат қилдим. Бу 2 китобдаги маълумотларнинг қай бири тўғри? Жавоб учун олдиндан раҳмат!