Мусофирнинг рўзаси
16:36 / 16.06.2016 | Olimhon | 3238
Ассалому алайкум! Мен мусофир юртда ишлайман. Аллоҳ қодир қилиб рўза тутябман, лекин баъзида отам "тинмай меҳнатдасизлар, қийинчилик бўлса тутмагин, мен ота бўлиб айтаяпман, узоқ жойдасан, Аллоҳ насиб қилса келганингда тутаверасан” деган эдилар. Мен барибир рўзани тутаябман. Бир тарафда отамнинг сўзига қулоқ солмаган ҳисобланиб қолмайманми?
«Зикр аҳлидан сўранг» ҳайъати:
Ва алайкум ассалом! Сиз мусофир юртда бўлсангизда 15 кундан кўпроқ бир жойда туришни ният қилганингиз учун муқим ҳисобланасиз ва зиммангизга рўза тутиш фарздир. Росулуллоҳ соллаллоҳу алайҳи васаллам ҳадиси муборакларида : “Аллоҳга осий бўладиган ўринларда махлуққа итоат қилинмайди” деганлар. Валлоҳу аълам!
