Уч талоқ, минг талоқ, қум талоқ деди

Ассалому алайкум! Биз умр йўлдошим билан турмуш қуришимизга 2 йил бўлар бўлмас ажрашиб кетганмиз. Ўшанда мен 5 ойлик хомиладор эдим. Эрим ўша пайтлари кўп маротаба “талоғингни берайми?” деб айтар эдилар. Сабаби кўп эди (айтишни жоиз деб билмадим). Хуллас ўша хомиладорлик пайтимда онамларникида яшар эдим, чунки ўзлари ҳайдаб юборган эдилар. Келиб “талоғингни бергани келдим нима дейсан?” деб сўрадилар. Менинг хам доим шундай деб қўрқитганлари учун “доим мендан сўрайсиз, шунчалик бергингиз келаётган бўлса ҳоҳишингиз” дедим. Улар шу “3 талоқ, 1000 талоқ ва қум талоқ” деб чиқиб кетдилар. Орадан йиллар ўтиб ярашмоқчилар. Йўли бор экан. Мен ўша пайти хомиладор эдим, ўғил фарзанд дунёга келгани сабабли ярашса ва қайта никоҳ ўқитса бўлар экан. Бу Орада ўғлимнинг отаси 4 мартта уйландилар. Мен турмушга чиқмадим. Саволим шуки; юқорида келтирган сабаб билан ярашиш мумкинми?