Жума намози
23:40 / 31.03.2021 | Bilolbek | 1608
Ассалому алайкум! Жума намозига кечикиб бордим. Жума намозининг аввалги 4 ракат суннати ўқилиб имом хутба қилаётган экан. Мен Имом хутба қилиб бўлгунча аввалги 4 ракат суннатини ўқиб бўламан деб ўйладим. Аммо 4 ракат суннатга ният қилиб энди 1- ракатини ўқийман деб турганимда имом фарзга такбир айтиб кетди. Мен суннатни тарк этиб фарзга қўшилиб кетдим. Кейин фарз ўқиб бўлгандан сўнг аввалги 4 ракат суннат билан охирги 4 ракат суннатни ўқидим. Мен тўғри қилдимми?
«Зикр аҳлидан сўранг» ҳайъати:
– Ва алайкум ассалом! Сиз биринчи нотўғри иш қилибсиз. Имом хутбага чиққан бўлса суннатни бошламаслигингиз керак эди. Тарк қилиб тўғри қилибсиз. Валлоҳу аълам!
