Тилла закоти
14:46 / 21.12.2021 | M | 1147
Ассалому алайкум! Мани тиллаларим нисобга етган лекин хўжейнимнинг қарзлари ва кредитлари бор, ўзим ишламайман, закот пулини қандай қилиб бераман? Агар манга закот учун хўжайним пул берсалар уларни пулларини закот қилиб берсам бўладими ёки манга дадам пул берсалар ўша пулни хўжайнимнинг қарзлари учун берсам бўладими?
«Зикр аҳлидан сўранг» ҳайъати:
– Ва алайкум ассалом! Сизга ҳадя қилинган пул мулкингизга айланади ва уни закот қилиб берсангиз бўлади. Эрингизнинг қарзлари учун берсангиз эрингизга берган бўласиз, бу эса жоиз эмас. Чунки хотин ўз эрига закот берса закот ўтмайди. Тиллангизни ўзидан берсангиз ҳам бўлади. Валлоҳу аълам!
