Хадис ҳақида
19:21 / 07.06.2022 | Diyorbek | 838
Ассалому алайкум! Мен Расулуллоҳ с.а.в. ни мункар ишни кўрсангиз қўлингиз бўмаса тилингиз билан қайтаринг энг камида дилингизда ёмон кўриб туринг деган ҳадисларини ўқигандм. Мен бир янги синфга боргандим у ерда боллар қизлар билан ҳунук ишлар қилишади, мен бу синфга энди қўшлиб туриб яна уларга танбеҳ беролмадм, мен бу ҳадисга амал қилишда жуда қийналябман, кўчада юрганмда нотаниш одамлар сигарет чекишса, кимдур сўкинса уларни ҳаммасини қайтаришим керакми?
«Зикр аҳлидан сўранг» ҳайъати:
– Ва алайкум ассалом! Насиҳатингиз манфаат бериши мумкин бўлган ҳар қандай ҳолда мункардан қайтаришингиз лозим. Бунинг ортидан сизга зарар етиши эҳтимоли бўлмаса бас. Валлоҳу аълам!
