Зикр мавзуси
10:48 / 14.11.2015 | umid2519 | 3700
Ассаламу алайкум! Таҳоратсиз, ишда ёки йўлда кетаётганда тасбеҳ, тамҳид, таҳлил ва такбир айтиб юрса бўладими? Олдиндан раҳмат.
«Зикр аҳлидан сўранг» ҳайъати:
Ва алайкум ассалом! Махсус бир неча ибодатлардан бошқасига таҳорат шарт эмас. Улар намоз, тиловат саждаси, тавоф, Қуръони Каримни ушлашлардан иборат. Ундан бошқаларига таҳорат шарт эмас. Жунуб ҳолатда зикр қилиш ҳам мумкин.
عَنْ عَائِشَةَ أُمُ المؤمنينَ ، قَالَتْ : " كَانَ النَّبِيُّ صَلَّى اللَّهُ عَلَيْهِ وَسَلَّمَ ، يَذْكُرُ اللَّهَ عَلَى كُلِّ أَحْيَانِهِ " .
Оиша розияллоҳу анҳодан ривоят қилинади :
"Расулуллоҳ соллаллоҳу алайҳи васаллам ҳамма вақт Аллоҳ таолони зикр қилар эдилар" деганлар. (Аҳмад ривояти). Валлоҳу аълам.
