Жаннат
Ассалому алайкум! Бир инсон гуноҳи кабира қилиб, сўнг тавба қилиб, умрини охиригача ибодат қилиб, ҳалол яшаб, жаннатга тушиши мумкинми? Мабодо ўша инсонга жаннатда энг паст даража бeрилса, болалари ўша инсоннинг ҳаққига савоб ишлар қилишса, ўша инсоннинг жаннатдаги даражаси ошиши ҳақида далиллар борми? Ноўрин савол бўлса узр сўрайман.
Ва алайкум ассалом! Албатта бор. عن أبي هريرة قال: قال رسول الله -صلى الله عليه وعلى آله وسلم-: «إن الله عز وجل ليرفع الدرجة للعبد الصالح في الجنة، فيقول: يا رب أنى لي هذه؟ فيقال: باستغفار ولدك لك» Абу Ҳурайра розияллоҳу анҳудан ривоят қилинади: "Расулуллоҳ соллаллоҳу алайҳи васаллам : “Аллоҳ таоло жаннатдаги бир солиҳ банданинг мақомини кўтаради. Шунда : “Эй роббим бу мақом мен учун қаердан?” деса, унга “Фарзандингни сенга истиғфор айтганлиги туфайли” дейилади” деганлар". (Сунани ибн Можа). Валлоҳу аълам!
