Талок хакида

Ассалому алайкум! Уйланганимга 4 йил бўлябди. Аёлим билан тез-тез келишмай қоламиз. Шундай пайтларда жавобимни беринг дейди. Жавоб сўраганига жаҳлим чиқкиб «Жавоб сенга, кетавер» деб айтганман. Яқинда билиб қолдимки, бундай ҳолларда талоқ тушар экан. Бунақа вазият неча марта бўлганини ўзимиз ҳам билмаймиз, лекин 3 мартадан кўп бўлгани аниқ. Бундан ташқари аёлим бормоқчи бўлган жойига қарши бўлганман. Қаттиқ жанжал қилганидан кейин “Агар уйдан чиқсанг сендака хотиним йўқ уйга қайтмай қўяқол»- деб айтганман. У эса чиқиб кетган. Бунақа ҳолат ҳам бир неча марта бўлган. Мен хеч қачон талоқни ният қилмаганман, ҳатто ҳаёлимга ҳам келтирмаганман. Бундай вазиятларда талоқ тушишини ҳам билмас эдим. Айтингчи, бизнинг ҳолатимизга нисбатан динимизда ҳукм қандай? 2 та масжидга бориб имомлардан сўрадим. Улар “жавоб беришга биз ожизмиз, Ҳасти Имомга боринг” деб айтишди. Илтимос, жавобингизни кутаман. Олдиндан раҳмат!