Марҳум ҳақида
Ассалому алайкум! Марҳум ҳаққига истиғфор айтиш дeганда изтиғфор айтишдан олдин ёки кeйин қандай дуо қиланади? “Фалончи марҳум руҳига бахшида этиб истигфор айтаман” дeган маъқулми? Ёки “Истиғфорни марҳум номидан айтаман” дeйиладими?
2. Марҳум вафотидан сўнг одамлар орасида у ҳақида эслашса “яхши инсон” эди дeб эсланганда марҳум руҳига савоб манфат тeгадими? Шу ҳақида ҳасис кeлтирилганми? Жавоб учун катта раҳмат. Аллаҳ рози бўлсин.
Ва алайкум ассалом! 1). Истиғфорнинг ўзи кифоя қилади. 2). Етади. عَنِ ابْنِ عُمَرَ رَضِي اللهُ عَنْهُ، عَنِ النَّبِيِّ صَلَي الله عَلَيْهِ وَسَلَّم قَالَ: اذْكُرُوا مَحَاسِنَ مَوْتَاكُمْ وَكُفُّوا عَنْ مَسَاوِيهِمْ. رَوَاهُ التِّرْمِذِيُّ وَأَبُو دَاوُدَ Ибн Умар розияллоҳу анҳудан ривоят қилинади: «Набий соллаллоҳу алайҳи васаллам: «Ўлганларингизнинг яхшиликларини зикр қилинглар. Уларнинг ёмонликларидан тийилинглар», дедилар». Термизий ва Абу Довуд ривоят қилганлар. Шарҳ: Ушбу ҳадиси шариф олдин келган ҳадислардаги маъноларни таъкидлаш билан бирга, икки ишни — ўлганларнинг фақат яхшиликларини зикр қилиш билан ёмонликларини мутлақо зикр қилмасликни жамлаб келмоқда. Афсуски, мусулмонлар ичида ҳам бошқа милатлардан таъсирланиб, ўлганлар ҳақида ёмонликларни зикр қилиш, уларни турли йўллар билан ҳақоратлаш жуда кенг тарқалган. Ушбу ҳадисларга амал қилиб, бу ношаръий ишга барҳам бериш лозим. Ўлган мусулмонларнинг фақат яхшиликларини зикр қилиб, баъзи бир камчиликлари бўлса, улар ҳақида гапиришдан тийилиш лозим. ("Ҳадис ва Ҳаёт" китобидан). Валлоҳу аълам!
