Никоҳга оид

- Мумкин эмас. Ал-Фумайсаа ёки ар-Румайсаа розияллоҳу анҳо Набий соллаллоҳу алайҳи васалламнинг ҳузурларига эрининг унга етиша олмаслигидан шикоят қилиб келди. Кўп ўтмасдан унинг эри келиб:«Ё Расулуллоҳ! У ёлғончи аёл! Унга етишади. Лекин, у(аёл) биринчи эрига қайтишни хоҳлайди», – деди. Шунда Расулуллоҳ соллаллоҳу алайҳи васаллам (аёлга):«Сенга, унинг асалини татимагунингча бундоқ қилиш мумкин эмас», – дедилар».Насаий ривоят қилган.Уч талоқдан кейин эрда хотинга нисбатан иддадан бош-қа ҳақ қолмайди. Аёл киши унга вақтинча ҳаром бўлади. Уни яна никоҳлаб олиши мумкин бўлмай қолади. Ушбу вақтинчалик ҳаромлик аёлнинг бошқа эрга тегиб, ундан ажраб, иддаси чиққандан кейин тугайди. Қачонки, иккинчи эрга тегиш абадий, табиий оила қуриш нияти ила бўлган бўлса. Бу маъно учта шарт билан юзага чиқади.1. Бошқа эрга тегиш никоҳланиш орқали бўлиши керак. Зино ёки бошқа йўл билан хотин биринчи эрига ҳалол бўлмайди.2. Иккинчи никоҳ саҳиҳ никоҳ бўлиши шарт. Агар фосид никоҳ–шариат кўрсатмаларидан бирортасига хилоф равишда қилинган никоҳ бўлса, хотин биринчи эрига ҳалол бўлмайди.3. Иккинчи эр билан тўлақонли жинсий алоқа бўлиб, лаззатланган бўлиши шарт. Бунга хилоф бўлса ҳам, биринчи эрига ҳалол бўлмайди.