Никох
16:27 / 27.02.2022 | Ojiz | 1259
Ассалому алайкум! Бу бир қизнинг саволи. Унинг айтишича, ёшлик килиб бир йигит билан севишиб, ўзларига-ўзлари хеч қандай гувохларсиз "Қабул қилдим", "Бағишладим", "Ўртада Аллоҳ гувох" деб никох хам ўқиган эканлар. Энди шу қизнинг уйидагилари бошқа йигитга унаштириб қўйган экан. Аввалги севган йигити "Сен менинг хотинимсан, талоғингни бермаганман. Бошқага теголмайсан" деб юрган экан. Шу қиз нима қилиши билмай юрибди. Ўша никох бўлиб қолганми, шуни билмоқчи.
«Зикр аҳлидан сўранг» ҳайъати:
– Ва алайкум ассалом! Икки эркак ёки бир эркак ва икки аёлнинг гувоҳлигисиз ўқилган никоҳ дуруст эмас. Ҳолат юқоридагидек бўлса, уларнинг ўртасида никоҳ йўқ экан. Валлоҳу аълам!
