Шариатми ёки Тариқат?
14:09 / 19.05.2023 | Иззатуллоҳ | 403
Ассалому алайкум! Бизнинг шариатимизда, ханафий мазҳабимизда ғуслни вожиб қилувчи нарсалар батамом ёритилган. Аммо тариқат бўйича олиб қарасак, ғуслни вожиб қилувчи нарсалар яна қўшилиб қолади. Масалан: Рақсга тушса, номахрам қизга қараса таҳорат кетади ва шу кабилар. Энди биз қайси бирига амал қилишимиз лозим? Хатто-ки мусиқа - ашула айтса, қўли билан мусиқа товушларини чиқарса таҳорат кетади деб эшитдим ва ичимда вас-вас бўлиб юрибман, қайси бирига амал қилганимиз афзал, шу фиқҳий китобларимизда ғусл бўйича келган хукмларгами ёки тариқатнинг гапларигами?
«Зикр аҳлидан сўранг» ҳайъати:
– Ва алайкум ассалом! Фиқҳий китобларда баён қилинган ҳукмларга амал қилаверинг. Валлоҳу аълам!
