Талоқ
17:06 / 26.07.2015 | rubin | 2223
Ассаламу алайкум! Мени саволим қуйдагича : икки ака укасини “онамга яхши қарамаяпсан, шунга онам тез-тез касал бўлаяптилар” деб тергайди. Укаси акаларига жаҳл қилиб, хотинини “талоқсан” деди. Шу ҳолатда талоқ тушадими? Олдиндан раҳмат.
«Зикр аҳлидан сўранг» ҳайъати:
Ва алайкум ассалом! Никоҳ ва талоқ масалалари жуда нозик масала бўлиб, ҳолатни ва инсон оғзидан чиққан ҳар бир сўзни батафсил ёзиши керак. Агар такрор-такрор айтган бўлсангиз, неча марта такрорлаганингизни ҳам ёзишингиз керак. Агар ука хотинига бир марта “талоқсан” деб бошқа сўз айтмаган бўлса, бир талоқи ражъий тушади. Валлоҳу аълам.
