Ассаламу алайкум! Масжидларда шом намозига "азон" айтилади ва унинг дуосини ўқишмасдан иқоматни айтиб кетишади. Шу тўғрими? Ўзим дуони ўқиб қўйсам бўладими? Яна шом намозини ўқиб, "Лаа илааҳа иллаллоҳ..." калимаси ўқилади, имом қисқа дуо қилиб берадилар ва намоз шу билан тугайди. Мен шом намозидан сўнг тасбеҳ, Қуръон ўқиб кейин турсам бўладими? Нима қилсам тўғри бўлади?
Ва алайкум ассалом! Бунда суннатни тарк қилиш бор. Агар бу иш одатга айланадиган бўлса, макруҳи тахримий бўлади. Шом намозидан кейин Қуръон ва тасбеҳлар ўқиш ҳадисларда келмаган. Лекин “Аввобин” намозини ўқиш мустаҳаб ҳисобланади. Унга улкан ажрлар ваъда қилинган. Валлоҳу аълам.