ЗАГСдан ажрашиш
Ассалому алайкум! Мен якинда бир аёлга уйланмоқчиман. У олдинги никоҳидан ЗАГС орқали ажрашганига 4 йил бўлган. Лекин эридан талоқ сўзини эшитмаган, эри ҳам шаръий талоқ қўймаган. Фақат ажрашиш хужжатларига имзо қўйишган холос. Саволим шундан иборатки, ЗАГС бўлимидаги расмий ажрашиш ҳам талоқ ўрнига ўтадими? У аёлга талоқ тушганми ва унга уйлансам бўладими? Жавоб учун олдиндан раҳмат.
Ва алайкум ассалом! Ажрашиш вақтида талоққа далолат қилувчи “Бўлди сен билан қайтиб яшамайман, бошқа эрга тегавер, энди хотиним эмассан” каби сўзлардан бирортасини айтган ёки айтмаганини аниқлаш керак. Чунки талоқ тушиши фақат талоқ сўзигагина боғлиқ бўлмай, юқоридаги талоққа далолат қилувчи сўзлар билан ҳам тушади. Хусусан ўша гаплар ажрашиш вақтида айтилган бўлса. Валлоҳу аълам!
