Ҳадис
Ассалому алайкум! Нуҳ алайҳиссалом барча жонзотлардан бир жуфтдан олиб кемада кетаётганида, кема ушбу жонзотларнинг чиқиндиси билан тўла бошлайди. Шунда Аллоҳга илтижо қилади ва туянинг орқасини силаш ҳақида ваҳий келади. Туяниинг орқасини силаганда туядан тўнғиз туғилар экан. Шу ривоят саҳиҳми?
Ва алайкум ассалом! Тарихий ривоятларнинг кўплари Исроилиёт(Бани Исроилнинг қиссалари)дан олинган. Улар ҳақида эса имом Бухорий :
حَدَّثَنَا مُحَمَّدُ بْنُ بَشَّارٍ، حَدَّثَنَا عُثْمَانُ بْنُ عُمَرَ، أَخْبَرَنَا عَلِيُّ بْنُ الْمُبَارَكِ، عَنْ يَحْيَى بْنِ أَبِي كَثِيرٍ، عَنْ أَبِي سَلَمَةَ، عَنْ أَبِي هُرَيْرَةَ رضي الله عنه قَالَ: كَانَ أَهْلُ الْكِتَابِ يَقْرَءُونَ التَّوْرَاةَ بِالْعِبْرَانِيَّةِ، وَيُفَسِّرُونَهَا بِالْعَرَبِيَّةِ لِأَهْلِ الْإِسْلَامِ، فَقَالَ رَسُولُ اللهِ صلي الله عليه وسلم: «لَا تُصَدِّقُوا أَهْلَ الْكِتَابِ وَلَا تُكَذِّبُوهُمْ، وَقُولُوا: آمَنَّا بِاللّهِ وَمَآ أُنزِلَ إِلَيْنَا الْآيَةَ. طرفاه: 7362، 7542 - تحفة: 15405
Абу Ҳурайра розияллоҳу анҳудан ривоят қилинади:
«Аҳли китоблар Тавротни ибронийча ўқишар, Ислом аҳлига эса уни арабчада тафсир қилиб беришар эди. Шунда Расулуллоҳ соллаллоҳу алайҳи васаллам: «Аҳли китобларни тасдиқламанглар ҳам, ёлғончига ҳам чиқарманглар, «Аллоҳга иймон келтирдик ва бизга нозил қинган нарсага ҳам»,* денглар», дедилар». Бақара сураси, 136-оят.(“Олтин силсила” китобидан Саҳиҳул Бухорий). Сизнинг саволингиз ҳам шулардан. Валлоҳу аълам!
