Эрнинг розилиги

Ассалому алайкум! Ҳурматли устозлар, тушунмаган ва излаш хизматидан жавоб топа олмаган саволларим бор эди. 1. Аёлимга "рухсатимсиз остонадан чиқсанг рози эмасман", деб гапирганман. Рухсатимсиз остонадан чиқди ва чиқишидан олдин "қайтсанг қабул қилмайман", деб ҳам огоҳлантирдим. Аввало Аллоҳ қалбимни юмшоқ қилсин. Хозирда қабул қилиш ниятим йўқ ва розилик ҳақидаги гапимдан ҳам қайтмадим. Никоҳни асраш мақсадида қабул қилишим ва розилик ҳақидаги гапим кучини йўқотиши мумкинми? (Албатта ўзимнинг хоҳишим билан) 2. Остонадан рухсатимисиз чиқишига эса аёлимниг отаси катта ҳисса қўшдилар. Тўйдан кейин биринчи қаттиқ жанжалдаёқ аёлим отасига телефон қилиб чақириши билан у киши етиб келиб, нима бўлганинию жанжалнинг сабаби нимадалигини суриштириб ҳам ўтирмай, масалани ижобий ҳал қилиш ўрнига "онам қизим, кийининг, кетамиз", дегани остонадан рухсатимсиз чиқишига сабаб бўлди. Жанжал эса арзимас нарсалардан келиб чиққанди. Аёлимнинг отаси (ёки онаси) шу каби арзимас ва майда сабаблардаёқ уйига олиб кетиши қанчалик тўғри?