Махаллада карта ва нард уйини

СаволларМавзу: Оила ва ТурмушМахаллада карта ва нард уйини
Ибн Эргаш сўради 8 ой аввал

Ассалому алайкум! Бир махаллада ёши катталар томонидан карта, нард уйини уйнаш авжига чиққан. Шомга яқин махалланинг аксар ишламай юрганлари шу ерда тўпланишади. Бу иш бўйича шариат хукми қандай? Шу иш бўйича ёши улуғларимизнинг ва махалла раисларини масъулияти қандай бўлиши керак?

1 жавоб
Best Answer
"Зикр аҳлидан сўранг" ҳайъати Маъмурият жавоб берди 8 ой аввал

Ва алайкум ассалом!

Қайтаришга қўлидан келадиган ҳар бир инсон қайтармагани учун гуноҳкор бўлади.

عَنْ بُرَيْدَةَ رَضِي اللهُ عَنْهُ، عَنِ النَّبِيَّ صَلَي الله عَلَيْهِ وَسَلَّم قَالَ: مَنْ لَعِبَ بِالنَّرْدَشِيرِ فَكَأَنَّمَا صَبَغَ يَدَهُ فِي لَحْمِ خِنْزِيرٍ وَدَمِهِ. رَوَاهُ مُسْلِمٌ وَأَبُو دَاوُدَ

Бурайда розияллоҳу анҳудан ривоят қилинади:
«Набий соллаллоҳу алайҳи васаллам:
«Ким нардашир ўйнаса, худди қўлини чўчқанинг гўшти ва қонига ботиргандек бўлади», дедилар».
Муслим ва Абу Довуд ривоят қилганлар.
Шарҳ: Бундан чўчқанинг гўшти ва қони қанчалик ҳаром бўлса, нард ўйнаш ҳам шунчалик ҳаром экани келиб чиқади.

عَنْ أَبِي مُوسَى رَضِي اللهُ عَنْهُ أَنَّ رَسُولَ اللهِ صَلَي الله عَلَيْهِ وَسَلَّم قَالَ: مَنْ لَعِبَ بِالنَّرْدِ فَقَدْ عَصَى اللهَ وَرَسُولَهُ

Абу Мусо розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Ким нард ўйнаса, батаҳқиқ, Аллоҳга ва Унинг Расулига осий бўлибди», дедилар».
Шарҳ: Шахмат, карта, ошиқ ва шунга ўхшаш ўйинлар ҳам нард каби, ҳаром бўлади. (“Ҳадис ва Ҳаёт” китобидан). Валлоҳу аълам!