Қайс ал-Марғиноний

Амир Абул Маолий Қайс ибн Исҳоқ ал-Марғиноний фозил имом эдилар. Бир неча муддат Самарқандда яшаб, у ерда дарс берганлар. Маҳмуд ибн Абдуллоҳ ал-Журжонийдан таълим олганлар. Ўзларидан эса Абу Ҳафс Умар ибн Муҳаммад ан-Насафий ҳадис ривоят қилганлар. Қайс ал-Марғиноний ҳижрий 526 (милодий 1133) йил шаввол ойининг ўн тўққизинчисида, жума куни Самарқанднинг жомеъ масжидида ваъздан кейин, рўзадор ҳолларида вафот этганлар. Тобутлари уйларига олиб борилиб, шанба куни Чокардиза қабристонида «Шаҳид имомлар» қибласида дафн қилинганлар.