Муҳаммад ал-Кеший аз-Зоҳид

Абу Наср Муҳаммад ибн Таййиб ал-Кеший аз-Зоҳид фақиҳ, зоҳид, обид ва ҳадис илмини ўрганиш учун кўп сафар қилган олимлардан. Қатор муҳаддис олимлардан таълим олганлар. Райда Муҳаммад ибн Айюб, Бағдодда Юсуф ибн Яъқуб ал-Қозидан таълим олганлар. Кўп нарсадан парҳез қилар эдилар ва қийинчиликларга сабрли, озгина егулик бўлса ҳам, қаноатланардилар. Сафарда бўлсалар ҳам, муқим бўлсалар ҳам, кўп рўза тутар эдилар. Ҳижрий 318 (милодий 931) йилда вафот этганлар. Ҳусайн қабристонида дафн қилинганлар.