Абу Шужо Рўзровардий

АБУ ШУЖО РЎЗРОВАРДИЙ, Заҳируддин Муҳаммад ибн Ҳусайн (1045, Аҳвоз - 1095, Мадина) - тарихчи, давлат арбоби. Фиқҳ, ҳадис, тил ва тарих соҳасида, хусусан сомонийлар тарихига оид бир қанча асарлар ёзган. 1076 й.да халифа Муқтадий (1075-94) томонидан вазирликка тайинланган. Унинг даврида баъзи солиқлар енгиллаштирилган. У ўз ерларини вақфга ажратиб, масжид ва мадрасалар қурдирган. Суннийлар ва шиалар ўртасидаги низоларни бартараф қилган.