Табиб ҳабиб ва маҳрамми?

– Ва алайкум ассалом! Аёл кишининг аврат жойларини шаръий заруат ва узрдан бошқа ҳолатда эридан бошқа ҳеч ким кўришга ҳаққи йўқ. Олим инсон бундай гапни айтмайди. Ўша гапни айтган инсон ҳеч қанақасига олим эмас. Шуни яхши билиш керакки, муфтий одам Аллоҳ тарафидан имзо қўювчи, ҳукм чиқарувчи инсон ҳисобланади. Яъни у “Аллоҳ шундай деди” деган бўлади. Аллоҳ эса доктор ёки табиблар беморларга маҳрам бўлади деган эмас. 

عَنْ عَبْدِ اللهِ بْنِ عَمْرِو بْنِ الْعَاصِ رَضِي اللهُ عَنْهُما قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ: «إِنَّ اللهَ لَا يَقْبِضُ الْعِلْمَ انْتِزَاعًا، يَنْتَزِعُهُ مِنَ الْعِبَادِ، وَلَكِنْ يَقْبِضُ الْعِلْمَ بِقَبْضِ الْعُلَمَاءِ، حَتَّى إِذَا لَمْ يُبْقِ عَالِمًا، اتَّخَذَ النَّاسُ رُءُوسًا جُهَّالًا فَسُئِلُوا، فَأَفْتَوْا بِغَيْرِ عِلْمٍ، فَضَلُّوا وَأَضَلُّوا». قَالَ الْفِرَبْرِيُّ: حَدَّثَنَا عَبَّاسٌ قَالَ: حَدَّثَنَا قُتَيْبَةُ، حَدَّثَنَا جَرِيرٌ، عَنْ هِشَامٍ نَحْوَهُ 

Абдуллоҳ ибн Амр ибн Ос розияллоҳу анҳумодан ривоят қилинади:
«Расулуллоҳ соллаллоҳу алайҳи васалламнинг «Албатта, Аллоҳ илмни бандаларидан бирданига суғуриб олмайди, балки илмни уламоларнинг жонини олиш билан суғуриб олади. Ниҳоят, бирорта олимни қолдирмагач, одамлар жоҳилларни бошлиқ қилиб олишади. Кейин улар сўраладилар ва илмсиз равишда фатво беришади. Натижада адашадилар ва адаштирадилар», деганларини эшитдим». (“Олтин силсила” китобидан Саҳиҳул Бухорий).

2). Бирор инсон ошкора фисқ-фужур қилаётган бўлса, одамларни залолатга етаклаётган бўлса уни исмини айтиб хато қилаётганини далиллар орқали билдириш мумкин. Инсон касал бўлса доктор унинг фақат касал бўлган аъзосинигина гапириши шарт. Қолган соғ жойларини ҳам касал деса касалга хиёнат қилган бўлади. Саломат жойини саломат дейиш керак бўлади. Худди шунингдек агар бир инсонда ўзгаларга зарар етадиган зарар бўлса аввало махфий тарзда ўзига баён қилиш, қабул қилмаса оммани огоҳлантириш учун унинг зараридан огоҳлантириш керак. Валлоҳу аълам!