Нос ҳақида
19:22 / 07.07.2019 | Даврон | 2346
Ассалому алайкум! Агарда акалар ўз укаларига нос, сигарет, ароқ ёки шунга ўхшаш ҳаром нарсаларни олиб келиб беришларини буюрсалар укалар қандай йўл тутишлари керак? Ахир бундай акалар ўз укаларига қулоқ солмасдан урушадилар. Бундай акаларни ҳақ йўлига қандай қайтариш мумкин? Илтимос маслаҳат беринглар.
«Зикр аҳлидан сўранг» ҳайъати:
– Ва алайкум ассалом!
عَنِ الْحَسَنِ قَالَ: قَالَ رَسُولُ اللهِ صَلَي الله عَلَيْهِ وَسَلَّم: لَا طَاعَةَ لِمْخْلُوقٍ فِي مَعْصِيَةِ الْخَالِقِ. رَوَاهُ ابْنُ أَبِي شَيْبَةَ. (متفق عليه)
Ҳасандан ривоят қилинади:
“Расулуллоҳ соллаллоҳу алайҳи васаллам: “Холиқнинг маъсиятида махлуққа итоат йўқ» – дедилар”. Ибн Абу Шайба ривоят қилган. (Муттафақун алайҳ)
Яъни, бандани рози қиламан деб, Аллоҳ таолони норози қиладиган нарсани қилиб бўлмайди. Валлоҳу аълам!
