Талабаларни баҳолаш ўйлантиряпти

Ассалому алайкум! Мен Олий Таълим муассасасида ўқитувчиман. Ҳар семестрда талабаларни ўқиган билимлари бўйича йилда икки марта баҳолашга тўғри келади. Лекин уларни баҳолашда кўпинча ўйланиб қоламан. Яъни: уларни баҳолашда нисбатан баҳолайман. Гуруҳда яхши ҳаракат қилган талабага "5", ўртачароғига "4", билмайди лекин дарсда озгина ҳаракат қилади, вазифаларни кўчириб бўлса ҳам ёзиб келади уларга "3" баҳо қўяман. Бази бир талабалар бор умуман ўқимайди, тушунмайди ва фан бўйича ҳеч нарсани билмайди. Хатто дарс давомида озгина харакат ҳам қилмайди. семестр охирида келиб "5", "4"ёки "3" баҳо қўйиб беринг деб келишади ёки уларнинг "танк" (Таниш) лари келади. Уларга тушунтираман билиминг паст сал ўқи кейин қайта ўзлаштиришда қўйиб бераман деб. Лекин базилари оилавий ахволим оғир деб йиғлайди (аксарият қизлар). Саволим агар уларга оилавий ахволини хисобга олиб савоб қиламан деб 3 ёки 4 қўйиб берсам касбимга хиёнат қилган бўлмайманми? Касбимга хиёнат қилмайман десам уларга зулм қилган бўлмайманми? Агар баҳо олишмаса ўқишдан хайдалиши мумкин. Бу масалада қандай йўл тутган мақул?