Жин чалиши ва мажнунлик
00:00 / 21.07.2011 | eski savollar | 3558
Ассалому алайкум ҳурматли шайх ҳазратлари. Юсуф Қаразовий: “Инсонларни жин чалиши – бўлмаган гап” деганлар. Лекин Қуръони карим маноларини ўзбекча таржимасида судхўрларни қиёмат куни тирилганда мажнун каби бўлишини ўқиган эдим, илтимос тушунтириб берсангиз. Жавоб учун олдиндан раҳмат!
Шайх Муҳаммад Содиқ Муҳаммад Юсуф роҳимаҳуллоҳ:
Мажнун каби дегани жиннига, ақлидан озган кишига ўхшаб довдираган деганидир. Бунинг жин чалишига ҳеч алоқаси йўқ.Аммо “жин чалиш” сўзини нотўғри таржима қилишганга ўхшайди. Инсонга жин тегиши бор. Яъни, унга таъсирини ўтказиши. Аммо ҳозирги жинкашларнинг даъво қилаётганларига ўхшаб, жин одамнинг ичига кириб олиб, унга эга чиқиб айтганини қилдириши мумкин эмас. Шайх Қарзовий шуни айтган. Менинг “Тиб ва дам” номли китобимни ўқисангиз бу ҳақида батафсилроқ маълумот олишингиз мукмин.
