Намоз пайтида имомнинг тахорати синиши
11:33 / 08.09.2019 | Ahmadjon | 2330
Ассалому алайкум! Уйда асосан жамоат бўлиб намоз ўқиймиз. Намоз пайтида имомнинг бурни қонаб кетса, олдидан бирор одам ўтса ёки бошқа сабаб билан тахорати синса намозни тўхтатиш керакми? Имомга иқтидо қилганларнинг гуноҳи урмайдими? Тўхтатиш керак бўлса имом намозни тўхтатгандан кейин унга эргашган одамларнинг ўзи ўқиб кетса бўладими ёки улар ҳам тўхтатиши керакми?
«Зикр аҳлидан сўранг» ҳайъати:
– Ва алайкум ассалом! Бундай суратда имом орқасидаги бир одамни тортиб ўрнига қўяди ва ўша одам келган жойидан давом эттириб кетаверади. Агар бунчалик қилишни билмасалар имом чиқиб кетаверади бошқа одам намозни аввалидан қайтадан бошлайди. Валлоҳу аълам!
