Имом ва муктади

00:00 / 30.09.2007 | eski savollar | 3186

Ассалому алайкум Шайх хазратлари.Бир масалани ечиб берсангиз.Агар имом туртинчи охирги ракаатга утирмасдан бешинчи ракаатга турди,муктадиллар лукма бердию аммо имом кабул килмади.Шу холатга кандай иш тутиш керак булади? Каъдаи охир фарз амалидан хисобланади,имомга эргашлик вожиб.Муктади шу холатда салом бериб намоздан чикиши мумкинми ёки имомни кейтидан туриб 5 ва 6 ракатни укиш керакми? Шу холатда намоз бузилмайдими? Нима маслихат берасиз? Олдиндан рахмат

Шайх Муҳаммад Содиқ Муҳаммад Юсуф роҳимаҳуллоҳ:

- Агар бешинчи ракъатга туришдан олдин ўтириб ташаҳҳудни ўқиган бўлса, намоз ўрнига ўтади. Аммо ўтирмай бирдан туриб кетса ва қайтиб ўтирмай бешинчи ракъат саждасини қилиши билан аввалги намоз бузилади. У нафл намозга айланиди. Фарзни янгитдан ўқиш керак бўлади.Агар намозхон қаъдаи охирга ўтирмай туриб кетса, модомки сажда қилмаган бўлса, қайтиб ўтиради ва саждаи саҳв қилади. Чунки у фарз амал бўлган қаъдаи охирни кечга сурди.Агар сажда қилган бўлса, фарзи нафлга айланади ва аргар истаса олтинчи ракъатни қўшади. Бешинчи ракъатнинг саждасини қилиши билан фарз намози нафлга айланади. Беш ракъатли намоз бўлмагани учун олтинчи ракъатни ҳам ўқиб қўйса, олти ракъатли нафл ўқиган бўлади.Агар намозхон қаъдаи охирга ўтиргандан кейин унутиб туриб кетса, модомики сажда қилмаган бўлса, қайтиб ўтириб салом беради. Чунки тик турган ҳолда салом бериб бўлмайди.