Пулни тежаб закот бермаслик
Ассалому алайкум! Агар бир аёлни нисобдан ошган пули бўлса, лекин у аёлни эри ташлаб кетган ёки йўқ бўлса у аёл мен хеч қаерда ишламайман, пулни тежаб мисқоллаб йиққанимда шунча йиғдим, деб закот бермаса бўладими?
2). Агар катта миқдорда пули бўла туриб ўзи бошқалардан закот олсачи? Бундай холатда у аёлга закот берганлар мухтожга бераяпмиз деб ўйлаган бўлишса, беришдан олдин у аёлни ахли илмлардан хисоблаб, қариндош бўлгани учун берган бўлса, беришдан олдин “бу менинг закотим” деб берган бўлса, закоти бўйнидан адо бўладими?
– Ва алайкум ассалом! 1). Уни йиққани закот миқдорига етса жон-жон деб, шукур қилиб закотини берсин. Чунки закот зоҳиридан камайганга ўхшагани билан қолган қисмига баракани ёғилишига сабаб бўлади.
2). Закот олиши ҳаром амал бўлади. Мабодо олиб қўйган бўлса, ўша еган ҳаром таоми ибодатдан тўсади. Закот берувчилар суриштириб беришсин. Камбағал деб ўйлаб беришган бўлса зиммаларидан закот адо бўлади. Валлоҳу аълам!
