Намозни тез ўқиш

Ассалому алайкум! Устозлар мен бир холат жуда ўйлантириб қўйяпти. Жамоат билан намозда фарзда имом намозни гўзал қилиб ўқийди, аммо суннат витр намозларда имом хам ва жамоатдаги кўпчилик намозни шунақанги тез ўқийдики мен қулоқ қоқиб Фотиҳа сурасини тугатмасимдан баъзилар биринчи ракат саждасини қилишади. Жамоат Оятал Курсини ўқиб тасбехга ўтишганда мен охирги ракатни биринчи саждасида бўламан. Менга ўхшаб кеч қолганлар оз бўлса хам бўлади. Баъзи танишларим хам бунга хайрон, менга бу холатлар тўғриси жуда ноқулай бўляпти. Иложи борича қисқа сурани ўқиб жамоатдан қолмасликни харакат қилсам хам бошқалардан ажралиб қолаётгандекман. Риё бўлишидан қўрқаман, лекин тез ўқисам намозимда нуқсон бўлиб савоби камайишидан энг ёмони намоз ўғриси бўлиб қолишдан қўрқаман. Бу муаммо кичкина кўрингани билан асорати катта, чунки масжидга энди келаётган, намозни энди ўқишни ўрганётганлар бу холатни кўриб намоз шундай тез ўқиш керак эканда деган хаёлга борадику ва биз кейинги авлодга ёмон суннатни қолдирмаймизми? Бу сайтни кўп мусулмонлар ва имомларимиз хам кузатишади сизларнинг жавобингизни ўқиб балким намозларига химмат рағбат қилишар деган умиддаман. Барчамиз ибодатларимизни мукаммал адо этишимизни Аллоҳ насиб қилсин.