Қайтим (здачий) қайтармаслик
19:45 / 06.02.2020 | aziza | 1430
Ассалому алайкум! Мен аптекада ишлайман, одамлар келиб дори олиб кетишаётганда доналаб ҳам дори олишади. Шундай пайтларда дори нархи майдароқ нархда бўлиб қолади. Масалан, 9900 сўм ёки 9850 сўм. Майда пулларимиз йўқлиги учун 10000 деб айтамиз ва бу ортиқча пул кассани ўзида қолади, яъни биз олмаймиз. Агар майда пулимиз бўлса қайтим қайтарамиз ёки қайтимга у-бу нарса берсак бўладими деб харидордан сўраймиз. Директоримиз ҳам бундан хабардорлар. Дори нархини яхлитлаб айтсак, гуноҳ иш қилаётган бўламизми? Қандай йўл тутсак тўғри бўлади?
«Зикр аҳлидан сўранг» ҳайъати:
– Ва алайкум ассалом! Харидорларга айтиб қўйсангиз бўлди. Валлоҳу аълам!
