Уч талоқни тиклаш
09:57 / 19.05.2020 | xumoyunxon xumoyunxon | 3096
Ассалому алайкум! Бир танишимни эри эс хуши жойида ва хушёр пайтида уч талоқ қўйган. Шундан кейин аёл эрини уйидан кетган ва 1 йилдан бери алохида яшайди. Энди эри келиб "мен Хаст-Имом масжидини вориси билан гаплашдим, у "Бақара сураси билан ўқиб никохиларни қайта тикласа бўлади деди" деб айтибди. Бу гапга танишим ишонмаганлиги сабабли сизлардан сўраб беришимни илтимос қилди. Уларни никохини тиклашни аёл бошқасига эрга тегиб чиқишидан бошқа йўли борми?
«Зикр аҳлидан сўранг» ҳайъати:
– Ва алайкум ассалом! Никоҳини тиклашни йўли йўқ. Бақара сураси тугул бутун Қуръонни хатм қилиб чиқса ҳам йўл йўқ. У инсон диний идорани номини булғамоқчи бўлган киши бўлса керак. Валлоҳу аълам!
