Талоқсиз никоҳ
23:42 / 23.06.2020 | Ulug'bek | 1306
Ассалому алайкум! Мен иккинчи бор турмушга чиқдим. Аввалги эримдан талоқ олмасдан туриб бу эрим билан никоҳ ўқиттик. Чунки бу нарсаларни билмасдим. Яқинда аввалги эрим телефон қилиб 3 марта талоқсан деб телефонда талоқ берди. Бу талоқ тўғрими? Ҳозирги эрим билан қайта никоҳ ўқитишим керакми энди?
«Зикр аҳлидан сўранг» ҳайъати:
– Ва алайкум ассалом! Биринчи эрингиз уч талоқ деган кундан бошлаб иккинчи эрингиз билан асло яқинлашмаслигингиз ва уч ҳайздан поклангунингизча идда ўтиришингиз шарт. Идди тугагач иккинчи эрингизга қайтадан никоҳланишингиз шарт. Акс ҳолда зинога ботиб ҳаёт кечирган бўласиз. Валлоҳу аълам!
